ဝါသနာမပါတဲ့အလုပ်တွေကသင့်ဘဝကိုတိုးတက်စေနိုင်လား...

အဖြေက Noပါ.....

-ဆန္ဒနဲ့ ဘဝ၊ ဝါသနာနဲ့အလုပ် ထပ်တူကြနေဖို့ဆိုတာ အင်မတန်ခဲရင်းပါတယ်။ မိတ်ဆွေက လက်ရှိမှာ ထပ်တူကျနေတယ်ဆိုရင်တော့ Congratulations ပါ။

-မကျသေးတဲ့ သူတွေကို အကြံဉာဏ်ပေးမယ်။ အထူးသဖြင့် လူငယ်တွေ လုပ်ချင်တာနဲ့ လုပ်နေရတာ ထပ်တူမကျဘူးဆိုတာ ကျွန်တော်နားလည်ပါတယ်။ 

-ကျွန်တော့်တုန်းကလည်း မကျခဲ့ဘူး။ ဖြစ်ချင်တာက တိုးဂိုက်၊ လုပ်နေတာက မီတာဖတ်၊ ဘေလ်ဝေ၊ မီးရိုက်။ ပြဒါးတလမ်း၊ သံတလမ်း။ 

-မလုပ်ချင်တာတွေကို လုပ်နေရတော့ ပထမ စိတ်မဝင်စားဘူးပေါ့။ နောက်တော့ လုပ်အားခလေးရလာတယ် နည်းနည်းတော့ ပျော်လာတယ်။ အလုပ်ထဲမှာ စိတ်နည်းနည်းပါလာတယ်။ မလုပ်ချင်တဲ့အလုပ်တွေ လုပ်ရင်း သင်ခန်းစာတွေ ပညာတွေယူတယ်။ 

-အဖေပြောဖူးတဲ့ စကားတခွန်းက "မင်းဘာသာမင်း ဝါသနာ ပါပါ မပါပါ အသက်မွေးဝမ်းကျောင်းပညာရပ်တခု တတ်ထားရင် အနည်းဆုံးတော့ ထမင်းမငတ်ဘူး" တဲ့။

-လက်တွေ့ပဲ ပထမ Company ကထွက်လာတော့ ဘာအလုပ်မှ ထပ်မချိတ်ထားဘူး။ ခေါင်းထဲမှာလည်း မရှိဘူး။ ရှိတဲ့ အတွေးကတခုပဲ ငါ့ကိုဘယ် Company ကမှ မခေါ်ရင် ထမင်းချိုင့်ဆွဲပီး ‌မီးလိုက်ဆင်မယ်ကွာဆိုတဲ့ ခံယူချက်က ဝါသနာမပါတဲ့ အလုပ်တွေကို လုပ်လို့ရလာတဲ့ အရည်ချင်းပဲ။

-ဝါသနာပါတဲ့ အလုပ်တွေလုပ်ရတော့ အရင်ရခဲ့တဲ့ ပညာတွေ သင်ခန်းစာတွေနဲ့ လက်တွေ့ အသုံးချကြည့်တယ်၊ ရလာဒ်က ပိုကောင်းလာတယ်။ အရင်တုန်းက စိတ်မပါတဲ့ အလုပ်တွေက ကိုယ့်အတွက် အရည်အသွေးအသစ်တွေတိုးလာတယ်။ စကားပြောစွမ်းရည်၊ ဦးဆောင်မှု၊ တာဝန်ခံမှု၊ ပြဿနာ‌ဖြေရှင်းတဲ့ စွမ်းရည် စတဲ့ ပညာရပ်တွေကိုပါ ရအောင်သင်တယ်။ ပီးတော့ ဝါဿနာပါတဲ့ အလုပ်တွေမှာ ပြန်အသုံးချတယ်။ ရလာဒ်က သူများထက်သာတယ်။ 

-မိတ်ဆွေတို့‌လည်း ဝါသနာပါသည်ဖြစ်စေ၊ မပါသည်ဖြစ်စေ စိတ်ပါဝင်စားစွာလုပ်ပါ။ ဝါသနာမပါတဲ့အလုပ်တွေကို လုပ်ခြင်းအားဖြင့်၊ ဝါဿနာပါတဲ့ အလုပ်တွေလုပ်ရတဲ့အချိန်ကို ပိုပီးတန်ဖိုးထားတက်လာမှာပါ။

လေးစားစွာဖြင့်